USA: Bidasubirwaho bamaze kwemeza Remdesivir nk’umuti uvura Covid-19.

0
614

Ikigo cyo muri Leta zunze Ubumwe z’Amerika kigenzura ubuziranenge bw’imiti n’ibiribwa (FDA) cyatanze uburenganzira ko umuti Remdesivir wari usanzwe uvura Ebola witabazwa mu kuvura coronavirus.

Uyu muti wica virusi, ubu ushobora gukoreshwa ku bantu bari mu bitaro barembye kubera Covid-19. Igeragezwa ry’uyu muti ku barwayi riherutse gukorwa ryafashije mu kugabanya igihe bifata ngo abarwaye coronavirus barembye bakire.

Daniel O’Day, umyobozi mukuru w’uruganda Gilead rukora uyu muti, mu kiganiro yagiranye na Donald Trump yavuze ko uburenganzira bwo gukoresha uyu muti mu kuvura coronavirus bwatanzwe n’ikigo FDA ari intambwe y’ingenzi itewe.

Yavuze ko uru ruganda rugiye gutanga imfashanyo y’uducupa milliyoni 1.5 tw’uwo muti.

Stephen Hahn ukorera icyo kigo cya FDA na we wari muri iyo nama, yagize ati” uyu ni wo muti wa mbere wemejwe wa Covid-19, rero turabyishimiye cyane kuba twabigizemo uruhare”.

Perezida Donald Trump yashyigikiye remedsivir nk’umuti ushobora kuvura coronavirus.

Ubwo uyu muti wageragezwaga ku barwayi, ikigo cyita ku ndwara zandura n’ingaruka zigiri mu mubiri(NIAID) cyasanze umuti wa Remdesivir ugabanya igihe ibimenyetso bya coronavirus bimara kikava ku minsi 15 kikagera kuri 11.

Iryo geragezwa ryakorewe ku bantu 1,063 bo mu bitaro bitandukanye ku Isi.

Dr Anthony Fauci, ukuriye ikigo NIAID, yatangaje ko umuti wa Remdesivir wagize ingaruka nziza mu kugabanya igihe cyo gukira coronavirus.

Impuguke zaburiye ko uyu muti ubusanzwe wakorewe kuvura Ebola, ukorwa n’uruganda Gilead rw’imiti ko udakwiye kubonwa nk’umuti ntakuka uvura coronavirus.

Isoko y’inkuru: BBC

LEAVE A REPLY

Please enter your comment!
Please enter your name here