Ubutaliyani: Abashakashatsi bemeje ko bamaze kubona urukingo rwa Covid-19.

0
585

Abashakashatsi bo mu gihugu cy’Ubutaliyani bemeje ko bamaze kubona urukingo rukaba rugiye kugeragezwa ku bantu ndetse akaba ari urwa mbere rubonetse ku isi rubasha kuhagarika virusi ya Corona.

Abo bashakashatsi bavuga ko icyo bashingiraho ari igerageza bakoreye ku mbeba maze uru rukingo rukagaragaza ibisubizo byiza ku kurwanya coronavirus. Uru rukingo rukaba ruri gukorerwa mu kigo cy’ubushakashatsi cya Takis Biotech giherereye mu mujyi wa Roma mu Butaliyani.

Bakomeza bavuga ko uru rukingo rwafashije mu gukora uburyo bw’ubwirinzi mu mubiri(antibodies). Ubu bwirinzi bukaba ari uburyo bukorwa n’umubiri mu rwego rwo kuzawufasha kwibuka ko hari icyorezo kigeze mu mubiri ukamenya uko ukirwanya. Urukingo icyo ruhita rukora n’ugukangura umubiri, rukawereka uko uzarwanya icyo cyorezo mu gihe cyaba giteye.

Uru rukingo rwakozwe n’abashakashatsi bo mu Butaliyani berekanye ko ruha umubiri ubushobozi bwo guhangara coronavirus bukayitsinda ntibashe kwanduza ibice by’umubiri bityo bigatuma itabasha kuwugumamo ari nzima.

Umuyobozi w’iki kigo Luigi Aurisicchio avuga ko igerageza rizakorerwa ku bantu rishobora gutangira muri Nzeri uyu mwaka, kandi ko bazi neza ko aribo ba mbere ku isi bafite urukingo rushobora guhagarika coronavirus.

Abashakashatsi bo mu bihugu bitandukanye bakomeje gusiganwa mu kuvumbura umuti n’urukingo bya Coronavirus kuko bazi neza ko uwabibone mbere y’abandi yaba akoze igikorwa kindashyikirwa agatabara Isi ikomeje kuzahazwa n’iki cyorezo.

LEAVE A REPLY

Please enter your comment!
Please enter your name here