Cristiano Ronaldo n’abagenzi be bari kwitabwaho kuburyo bukomeye cyane nyuma yaho bamwe mu bakinnyi bo mu butaliyani bamaze kwandura Cronovirus.

0
112

Ikipe ya Juventus yo mu butaliyani yahagaritse imyitozo yose y’abakinnyi biyi kipe ihita ishyira abakinnyi bayo batarengeje imyaka 23 mu kato, nyuma yaho iyi kipe y’abatarengeje imyaka 23 mu cyumweru  gishize yagiranye umukino ni kipe yitwa Pianese ibarizwa mu kiciro cya 3. Iyi kipe ya Pianese abakinnyi bayo bagera kuri 3 n’umutoza wabo bamaze kwandura iki cyorezo cya cronovirus gihangayikishije isi muri iyi minsi cyamaze guhabwa izina rya covid-19. Aba bakinnyi batarengeje imyaka 23 bamwe muribo bakaba barakoranye imyitozo na Cristiano Ronaldo na bandi bakinnyi bikipe ya mbere hagati muri iki cyumweru.

Juventus U23

Amakuru ava muri iyi kipe aratangaza ko nta mukinnyi w’iyi kipe uragaragaza ibimenyetso  bya covid-19 kugeza ubu.  Aba bakinnyi batarengeje imyaka 23 bakaba bazaguma murugo byibuze kugeza kw’italiki ya 8 zu ku kwezi naho abakinnyi bakuru biyi kipe barimo Crisitiano Ronaldo n’abagenzi be bamaze kongererwa igihe batagaragara mu myitozo, ibi bikazakomeza kugeza igihe leta izatangira ubrenganzira bwo gusubukura imikino n’ibindi bikorwa byose bijyanye na sports.

Abakinnyi ba Pianese bose bakaba bamaze gushyirwa mu kato nyuma yaho bamwe muribo banduye iki cyorezo, amakuru ava mu mujyi wa Turin akaba avuga ko Ibi biri gufatwa nkibintu bikomeye cyane aho abaganga bari guhoza ijisho kuri Crisitiano Ronaldo na bagenzi be cyane, bakaba bamaze no kubabwira ukuntu bagomba kwitwara aho bagomba kujya bakaraba intoki n’isabune yabugenewe.

Kugeza kuri ubu ubutaliyani nicyo gihugu ku mugabane w’uburayi gifite umubare munini w’abantu bamaze kwandura iki cyorezo cya covid-19 aho abagera ku 1,128 banduye naho kikaba kimaze guhitana abagera kuri 29, bikaba bivugwa ko umubare wabanduye uri kugenda uzamuka cyane. Ibikorwa byose bijyane na sport biri kugenda bisubikwa ku  mpande z’isi cyane cyane ku mugabane wa Asia.

LEAVE A REPLY

Please enter your comment!
Please enter your name here